Në kërkim ndërkombëtar për vrasje të mbetur në tentativë, në pranga 41-vjeçari

Është arrestuar në Spanjë 41-vjeçari M.K, i shpallur në kërkim ndërkombëtar për vrasje të mbetur në tentativë dhe armëmbajtje pa leje.

Interpol bën me dije se ai do të ekstradohet drejt Shqipërisë.

“Ky shtetas është arrestuar nga autoritetet policore në Spanjë, me qëllim ekstradimin drejt Shqipërisë, në zbatim të urdhër arrestit ndërkombëtar të lëshuar nga Zyra Qendrore Kombëtare Interpol Tirana, pasi Gjykata e Rrethit Gjyqësor Durrës, me vendimin e datës 22.09.2017, i ka caktuar masën e sigurisë “Arrest në burg”, për veprat penale “Vrasja në rrethana cilësuese”, kryer në bashkëpunim, mbetur në tentativë dhe “Prodhimi dhe mbajtja pa leje e armëve luftarake dhe e municionit”.- njofton Interpol.

Disa ditë më parë u ekstradua edhe vëllai i 41-vjeçarit, i cili ishte në kërkim ndërkombëtar për të njëjtat vepra penale.

Shtetasi M. K., në gusht 2017, në Shijak, Durrës, në bashkëpunim me vëllanë e tij, shtetasin E. K., ka qëlluar me armë zjarri në drejtim të automjetit që drejtohej nga shtetasi D. Gj.

LEXONI GJITHASHTU: 

• Tensionet në Kosovë, Berisha: BE-SHBA të dënojnë skenarin e destabilizimit të Vuçiç
• Identikiti i vrasësit/ Me kapuç, pantallona të errëta dhe atlete me gomë të bardhë