Shpërndanin kokainë në Yzberishtit, arrestohen dy persona, mes tyre një i mitur

Dy persona janë arrestuar në Tiranë pasi shpërndanin kokainë në kryeqytet.

Policia bën me dije se në kuadër rë operacionit policor të koduar “Direction”, është arrestuar në në flagrancë shtetasi M. K., 27 vjeç dhe një 16 vjeç, të dy banues në Tiranë, për veprën penale “Prodhimi dhe shitja e narkotikëve”, kryer në bashkëpunim.

“Shërbimet e Komisariatit të Policisë Nr. 6 i kanë lokalizuar dhe ndaluar këta 2 shtetas, në Yzberisht”- njofton policia.

Gjatë kontrollit fizik ndaj shtetasit M. K. dhe kontrollit në banesën e tij, shërbimet e Policisë kanë gjetur rreth 2 kg lëndë të dyshuar narkotike kanabis, një sasi dozash kokaine, 2 peshore elektronike, 3 aparate celulare dhe 189 800 lekë të rinj, të cilat u sekuestruan në cilësinë e provës materiale.

Nga veprimet hetimore ka rezultuar se shtetasi M. K., pasi siguronte lëndë narkotike kokainë dhe kanabis, i ndante në doza, të cilat i shiste më pas, në bashkëpunim me 16-vjeçarin, në zonën e Yzberishtit.

Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.

LEXONI GJITHASHTU: 

• Profesori grek: Jemi në shekullin kur Greqia mund të goditet nga tërmeti 8.5 Rihter
• Pamje të rënda nga Turqia, përlotet në studio Sazan Guri