Shpërndante kokainë dhe kanabis në doza, arrestohet 29-vjeçari

Policia e Tiranës ka arrestuar një 29-vjeçar me akuzën e shpërndarjes së lëndëve narkotike në doza.

Gjatë kontrollit fizik dhe të banesës së shtetasit F. M., shërbimet e Komisariatit të Policisë Nr. 2 kanë gjetur dhe sekuestruar, në cilësinë e provës materiale, sasi lënde narkotike të llojit kokainë dhe kanabis sativa, të ndara në doza, gati për shitje, një aparat celular dhe një shumë parash të dyshuar të përftuar nga aktiviteti i paligjshëm.

Sipas policisë, ky shtetas, pasi siguronte sasi të konsiderueshme të lëndës narkotike kokainë dhe kanabis sativa, i ndante në doza të vogla, të cilat i shiste në zona të ndryshme të Tiranës.

LEXONI GJITHASHTU:

• Arrestohet një prej të dyshuarve të plagosjes së Erion Hasanbelliut në Belgjikë
• 20 kg kokainë në vazo me lule, arrestohet ish-kreu i bashkisë Vorë