Një masiv vullkani shpërtheu në Islandë duke e ngritur llavën dhjetëra metra në ajër.

Krateri ndodhet në jug-perëndim të vendit, ku autoritetet kanë evakuuar qytetin e Grindavikut, përfshirë atraksionin e madh turistik, ujërat gjeotermale “Laguna Blu”.

“Procesi i evakuimit shkoi mirë. Në fillim ishin tre individë që nuk donin të braktisnin shtëpitë, por me kalimin e ditëve edhe ata u larguan nga qyteti”, tha Ulfar Ludviksson, shef policie në Sudurnes, Islandë.

Zona është pjesë e një sistemi vullkanik që ka qenë i fjetur për rreth 800 vjet përpara se të rizgjohej. Kjo përbën shpërthimin e pestë dhe më të fuqishëm në rajon që prej dhjetorit.

Shpërthimi i 8 shkurtit bllokoi një sistem tubacionesh, duke ndërprerë ngrohjen dhe ujin e nxehtë për mijëra banorë.

Islanda, që ndodhet mbi një zonë të nxehtë vullkanike në Atlantikun e Veriut, ka herë pas here shpërthime dhe po përballet vazhdimisht me to.

LEXONI GJITHASHTU:

• Shpërthen vullkani në Indonezi, paralajmërim për cunami! Njerëzit urdhërohen të ikin
• Për herë të dytë brenda pak muajve, shpërthen vullkani në Islandë