Shpërthim në një pallat në Rumani: Tre të vdekur dhe 13 të plagosur

Një shpërthim i fuqishëm shkatërroi dy kate të një pallati në kryeqytetin e Rumanisë të premten, duke vrarë tre persona dhe duke plagosur të paktën 13 të tjerë, thanë autoritetet.

Shpërthimi preku katet e pestë dhe të gjashtë të ndërtesës tetëkatëshe, sipas Inspektoratit të Situatave të Emergjencave.

“Të paktën 500 persona nuk do të jenë më në gjendje të hyjnë në shtëpitë e tyre. Bashkia, të gjithë kryetarët e bashkive të rretheve, prefektura, të gjitha këto struktura janë mobilizuar. Ne kemi një plan të fortë që po e zbatojmë tani”, tha kryebashkiaku i përkohshëm i Bukureshtit, Stelian Bujduveanu.

11 zjarrfikëse dhe katër njësi të lëvizshme të kujdesit intensiv, u dërguan në vendin e shpërthimit në Calea Rahovei në Sektorin 5 të Bukureshtit.

Ende nuk dihet shkakui këtij shpërthimi.

Të gjithë banorët u evakuuan nga ndërtesa dhe ekipet e shpëtimit kryen operacione kërkimi për të identifikuar të gjithë të bllokuarit.

LEXONI GJITHASHTU:

• Venezuela dislokon trupa, raportohet për sulm të ri të SHBA-së