Shpërthen zjarr në një fabrikë të Rusisë: 5 persona humbin jetë, mbi 100 të plagosur

Një zjarr ka shpërthyer në një nga punishtet e prodhimit në një fabrikë në Rajonin Ryazan, sipas selisë operative rajonale.

Të dhënat e fundit tregojnë se pesë persona kanë humbur jetën dhe më shumë se 100 të tjerë janë plagosur nga zjarri. Situata e emergjencës nuk përbën kërcënim për zonat e banuara dhe stafi i fabrikës është evakuuar, tha Ministria e Emergjencave e Rusisë.

Në vendngjarje është ngritur një shtab operativ, me të gjitha shërbimet e emergjencës të angazhuara – 70 persona dhe 28 njësi pajisjesh po punojnë në vendngjarje.

Sipas Pavel Malkov, guvernator i Rajonit Ryazan, pesë persona u vranë dhe më shumë se 100 të tjerë u plagosën në zjarr. Të gjithë të lënduarit po dërgohen në qendrën mjekësore ndërkomunale në komunitetin industrial të Shilovës.

Është ngritur një seli qendrore e përbërë nga krerët e departamenteve përkatëse dhe agjencive të zbatimit të ligjit për t’u marrë me pasojat e incidentit.