Shpërthim me bombë në Athinë/ Eksploziv pranë godinës së ministrisë së punës

Një shpërthim me bombë ka ndodhur pranë godinës së ministrisë së Punës në Athinë ne orët e para të mëngjesit të sotëm.

Shpërthimi shkaktoi dëme të konsiderueshme materiale, ndërsa theu xhamat si në ministrinë e Punës, që ndodhet përballë vendit të shpërthimit, ashtu edhe në objektet e tjera pranë.

Sipas mediave greke, shpërthimit i kanë paraprirë dy telefonata nga persona të panjohur të cilët kanë paralajmëruar për bombën.

Fillimisht ata thanë se bomba ishte vendosur në Ministrinë e Punës dhe më vonë në telefonatën e radhës thanë se bomba ishte në filialin e një banke, e cila ndodhet përballë ministrisë. Sipas policisë, bomba e cila ishte vendosur në një çantë shpine, ka shpërthyer në orën 01:29.

Raportohet se pas kësaj ngjarjeje qëndron organizata “Vetëmbrojtja e Klasës Revolucionare”, e cila, sipas mediave, është e panjohur më parë.

LEXONI GJITHASHTU: 

• Ndikimi rus, prioritet e qeverisë, e ardhmja e RMV, Talat Xhaferi flet në Euronews
• Këshillit të BE-së i dërgohet propozimi: Serbia e detyruar të zbatojë marrëveshjen