Shpërthim në një fabrikë në Katar, 18 të zhdukur dhe mbi 50 të plagosur. Vijojnë kërkimet

Të paktën 54 persona u plagosën dhe 18 të tjerë u raportuan të zhdukur pas një shpërthimi në një fabrikë në Katar, njoftoi Ministria e Brendshme e vendit të hënën në mëngjes.

Ministria tha në një postim në X se ekipet e mbrojtjes civile së bashku me Grupin Ndërkombëtar të Kërkimit dhe Shpëtimit të Katarit kishin nisur operacione kërkimi për të zhdukurit pas shpërthimit në Qytetin Industrial Ras Laffan, i cili u shkaktua nga një incident teknik.

Në një deklaratë të mëparshme të dielën, ministria tha se nuk ishte regjistruar asnjë rrjedhje që përbënte kërcënim për sigurinë publike.

Ndërkohë, vijojnë hetimet për shkakun e shpërthimit dhe kërkimet për 18-të të zhdukurit e tjerë.