Shpërthimi në komisariatin e policisë në Indi, shkon në 9 numri i viktimave

Nëntë persona humbën jetën dhe 29 të tjerë u plagosën pas shpërthimit të regjistruar në një komisariat policie në Kashmir të Indisë. Shpërthimi ndodhi nga eksplozivët e sekuestruar nga policia.

Shumica e të vdekurve ishin oficerë policie, përfshirë oficerë mjeko-ligjorë që po ekzaminonin eksplozivët e sekuestruar. Disa nga të plagosurit janë në gjendje kritike.

“Identifikimi i trupave është duke u zhvilluar, pasi disa janë djegur plotësisht”, tha një nga burimet e policisë.

Shpërthimi vjen katër ditë pasi një makinë-bombë në kryeqytetin indian, New Delhi, vrau të paktën tetë persona në atë që qeveria indiane e quajti një sulm terrorist.

India dhe Pakistani, dy fqinjë të armatosur me armë bërthamore, kanë luftuar për dekada të tëra për rajonin e diskutueshëm të Kashmirit, të cilin të dy e pretendojnë plotësisht dhe e kontrollojnë vetëm pjesërisht.

LEXONI GJITHASHTU:

• Plagosja me thikë në Vlorë, shoqërohen në polici dy autorët e dyshuar (EMRAT)
• Temperatura të ulëta në juglindje të vendit, mjegulla mbulon segmentet rrugore