Shqipëria konfirmon miqësoren e tretë përpara nisjes së Euro 2024

Shqipëri-Lihtenshtejn është miqësorja e tretë që do të luhet nga kombëtarja shqiptare në prag të nisjes së kampionatit evropian. Sfida do të luhet më 3 qershor, ndërsa vendi i pëqrzgjedhur është Austria, teksa stadiumi dhe orari ende nuk janë zyrtarizuar. Kujtojmë që kjo është përballja numër 4 mes këtyre dy kombëtareve, ku 3 të mëparshmet janë fituar nga kuqezinjtë. 2 kanë qenë të vlefshme për kualifikueset drejt kampionatit botëror, teksa tjetra ishte një miqësore.

Sa i përket sfidave që i presin kuqezinjtë përpara kampionatit evropian, kjo do të jetë e treta, teksa edhe kombëtarja e katërt do të publikohet në ditët në vijim. Shqipëria do të luajë miqësoren e parë më 22 mars në Itali përballë Kilit dhe 3 ditë më pas ndaj Suedisë në Stokholm. Aktualisht nuk ka asnjë informacion sa i përket biletave, por do të publikohen dhe cmimet në faqen zyrtare të FSHF.

Përgjatë këtyre kohëve trajneri Sylvinho ka vijuar punën në heshtje për të përgatitur grupin i cili do të marrë pjesë në finalet e kampionatit evropian. Lojtarët më në formë do të mbrojnë ngjyrat kuqezi, teksa mund të ketë edhe surpriza në përzgjedhjet e brazilianit. Kujtojmë se rrugëtimi ynë nis zyrtarisht më 15 qershor ndaj Italisë, për të vijuar më pas më 19 qershor me Kroacinë e ndeshja e tretë ajo ndaj Spanjës 5 ditë më pas.

LEXONI GJITHASHTU:

• Kombëtarja zyrtarizon kundërshtarin e radhës, miqësorja e parë luhet në mars
• Qeveria miraton fondin për FSHF-në, sa para përfiton Kombëtarja për Euro 2024