Shqipëria mori 650 mln euro eurobond, interes i lartë nga investitorët

Qeveria ka arritur të marrë eurobondin 650 milionë euro në bursën angleze me normë interesi 5%. Ai duhet të shlyhet për 10 vite dhe me termat e dakordësuar, ky borxh ka më tepër avantazhe, në raport me borxhet paraardhës që janë marrë që nga viti 2010.

Për emetimin e Eurobondit, norma fillestare ka qenë 5.5%, por interesi i lartë nga investitorët për të dhënë më shumë para se kërkesa e qeverisë, e ka bërë më të favorshme marrëveshjen.

Kjo është hera e shtatë që vendi ynë merr hua në tregjet ndërkombëtare. Eurobondi i pare u emetua në vitin 2010, me një shumë prej 300 milionë eurosh, borxh i cili është mbyllur. Dalja e dytë ka qenë në vitin 2015, me 450 milionë euro, dhe në vitin 2018 është shënuar dalja e tretë. Në vitin 2020 dhe 2021, vendi ynë mori dy herë nga  650 milionë eurosh, me kushte thuajse identike.

LEXONI GJITHASHTU:

• Shqipëria emëton Eurobondin 10-vjeçar, Rama: Ky ishte emëtimi më i suksesshëm
• Shqipëria merr 650 mln euro hua, emetohet Eurobondi 10-vjeçar