Shqipëria prodhon 360 kg mbetje për frymë në vit, 76% shkojnë në landfille

Shqipëria ka prodhuar mbi 862 mijë tonë mbetje në vitin 2024, ose360 kilogramë mbetje për banor. Më shumë se 75% e tyre janë trajtuar në landfille, ndërsa vetëm 10% kane shkuar per riciklim.

Në vitin 2024, Shqipëria prodhoi dhe menaxhoi 862 mijë tonë mbetje, duke shënuar rritje 2% krahasuar me vitin 2023.

Të dhënat e raportuara nga bashkitë, tregojnë se çdo banor gjeneroi mesatarisht 360 kilogramë mbetje gjatë vitit, ose 9 kilogramë më shumë se vitin parardhës.

Pjesën më të madhe e përbëjnë mbetjet familjare dhe ato të ngjashme me to, të cilat arrijnë në 80% të totalit, ose rreth 771 mijë tonë. Brenda tyre, mbetjet organike mbeten dominuese, duke zënë 57% të sasisë totale, dhe pas tyre vijnë plastika dhe letra, secila me peshë 10%.

Rritja e sasisë së mbetjeve në vend, lidhet me ndryshimin e zakoneve të konsumit dhe shtimin e paketimit plastik në treg.

Sa i përket menaxhimit, landfilli mbetet forma mbizotëruese me 76% të mbetjeve të depozituara.

Nga ana tjetër, riciklimi mbeti në nivelin 19%, një nivel i konsideruar ende i ulët në krahasim me objektivat e BE-së dhe vetëm 5 % e mbetjeve u dogjën për prodhim energjie.