Shtatë viktima dhe 490 raste të reja me COVID-19 në Shqipëri

Shtatë pacientë me COVID-19 humbën jetën 24 orët e fundit në Shqipëri, ndërkohë që 490 persona të tjerë rezultuan pozitivë nga mbi 2 mijë testime që u kryen në autoritetet publike dhe private.

Viktimat ishin të moshave 47, 63, 70, 71, 71, 72, dhe 83 vjeç nga Tirana, Durrësi, Vlora dhe Elbasani.

Kështu totali i viktimave në Shqipëri nga COVID-19 ka shkuar në 605.

Autoritetet thanë se ditën e fundit u kryen 2,508 teste – në laboratorë publikë dhe privatë, 457 teste “për arsye depistimi (kontrolli)”, – prej së cilave rezultuan pozitivë 490 persona (pozitiviteti 23.9%).

Me rastet e reja totali ka shkuar në 26,701 persona të prekur nga infeksioni prej muajit mars.

Autoritetet thanë se 93 persona u shëruan ditën e fundit duke e çuar numrin e të shëruarve në 12,667 (47.4% e rasteve) që nga fillimi i epidemisë.

Të paktën 13,429 (50.3% e totalit) persona mbeten ende mbartës të virusit, prej tyre 378 janë shtruar në spitale, 16 prej së cilëve në terapi intensive, – 3 të intubuar.

Tirana (6,640 raste), Durrësi (1,115 raste) dhe Fieri (1,004 raste) mbeten qarqet më problematike.

Lexoni gjithashtu:

Pandemia, Meta thirrje Ramës: Të nisë testimi i qytetarëve, duhet të rimbursohet paketa anti-COVID

Pandemia, Basha sulmon Ramën, kryeministri: Çfarë politikë e mjerë, ëndërron katastrofën

Qytetarët shfaqen indiferentë dhe shkelin masat anti-covid