Shtëpia e Bardhë fshin postimin e Vance, shkak reagimet për gjenocidin armen

Shtëpia e Bardhë ka fshirë një postim në rrjetet sociale në të cilin zëvendëspresidenti, JD Vance iu referua gjenocidit armen. Ky postim ka shkaktuar zemërim tek anëtarët e diasporës armene, si dhe tek politikanët e opozitës në të gjithë SHBA-në.

Postimi u bë gjatë udhëtimit dy-ditor të Vance në Armeni. Vance së bashku me bashkëshorten e tij, Usha Vance vizituan në një memorial për 1.5 milion armenë të vrarë nga trupat osmane më shumë se një shekull më parë.

Postimi, i fshirë tani në llogarinë zyrtare X të Vance, shkruante se ai po vizitonte memorialin për të nderuar viktimat e gjenocidit armen.

Kjo shënoi herën e parë që administrata Trump përdori fjalën gjenocid për të përshkruar masakrat. Një ndihmës i Vance më vonë u tha gazetarëve se mesazhi ishte postuar gabimisht në mediat sociale nga stafi që nuk po udhëtonte me Vance.

Kjo është hera e dytë që administrata përmendi gabimin e stafit për të shpjeguar përmbajtjen e saj në mediat sociale. Javën e kaluar, Donald Trump publikua një video raciste që i përshkruante Barack dhe Michelle Obaman si majmunë. Presidenti amerikan tha se ajo ishte postuar gabimisht nga një anëtar i stafit.