Shtimi i turistëve shton aksidentet rrugore? Më shumë aksidente në qershor

Numri i të aksidentuarve (të vrarë dhe të plagosur) rezulton 132 persona nga 141 në muajin Qershor 2022. Aksidentet rrugore, në 82,2 % të rasteve, kanë ndodhur si pasojë e sjelljes së drejtuesit të mjetit.

Numri më i lartë i aksidenteve në këtë periudhë është kryer nga grup-mosha 25-34 vjeç, duke zënë 30,7 % të numrit të aksidenteve gjithsej. Aksidentet në këtë grup-moshë janë rritur me 14,8 %, krahasuar me të njëjtën periudhë të një viti më parë.

Qarkullimi i automjeteve në vend është shtuar në qershor, teksa dhe konsumi i karburanteve është rritur. Shumë turistë preferojnë të marrin makina me qira, për shkak të mungesës së orientimit me transportin publik. Nga ana tjetër edhe rënia e çmimeve të naftës ka nxitur qarkullimin.

Në muajin Qershor 2023, numri më i lartë i aksidenteve rrugore ka ndodhur ditën e Premte me 18,8 %, ndërsa numri më i ulët i aksidenteve ka ndodhur ditën e Mërkurë me 8,9 %.

Në muajin Qershor 2023, 20,8 % e aksidenteve rrugore kanë ndodhur gjatë harkut kohor 08:00-12:00.

Në gjashtëmujorin e parë të vitit 2023, numërohen 528 aksidente rrugore nga 581 aksidente, të ndodhura në të njëjtën periudhë të një viti më parë. Numri i aksidenteve rrugore është ulur me 9,1 %.

LEXONI GJITHASHTU:

• WhatsApp ndalon së funksionuari në gjithë botën
• Videot e patransmetuara nga përballja Kushit me studentët: S’ju pyesim fare