Shtyhet seanca për Berishën/ Avokati: Masa që kërkoi SPAK, nuk parashikohet me ligj

Avokati i ish-kryeministrit Sali Berisha Genc Gjokutaj tha në një deklaratë për mediat se kërkesa e bërë nga SPAK për ndryshimin e masës së sigurisë është i paparashikuar nga ligji.

Ai tha gjithashtu se gjatë seancës së ditës së sotme janë dorëzuar të gjitha provat që dëshmojnë se Sali Berisha ka qenë kryetar i KLD në momentin që gjyqtarja e çështjes Irena Gjoka, është shkarkuar. Sipas tij ajo nuk mund të jetë gjyqtare e çeshtjes, pasi ka konflikt interesi.

“Përpara seancës ne kishim dorëzuar para gjykatës të gjitha provat që zoti Berisha ka qenë kryetar i KLD, në vitin 1996 dhe gjyqtarja e çështjes është shkarkuar në shkurt. Seanca vijoi deri në momentin kur shteruan kërkesën prokurorët. Ne bëmë pyetje në fund, ata bën sikur na dhanë përgjigje. Kërkesa e prokurorëve ishte e shoqëruar me prova për të cilat ne kërkuam të njiheshim. Seanca u shty për nesër në orën 11.

Ajo që unë dua të denoncojë është që është kërkuar ndryshimi i masës së sigurimit, u kërkuar, arrest në shtëpi me mbikëqyrje policore. Kjo është e pambështetur në ligj dhe tregon qëllimin e SPAK dhe të kësaj gjykate jo për të pasur një proces të ligjshëm, por për t’u hakmarrë për nevoja jo ligjore. Është e panevojshme dhe e paparashikuar në ligj kërkesa e prokurorëve të SPAK”,-tha avokati i ish-kryeministrit Genc Gjokutaj.

LEXONI GJITHASHTU:

• Berisha: Duan të më burgosin, por për të bërë këtë nuk kanë asnjë provë e as fakte
• Berisha: Duan të më burgosin, por për të bërë këtë nuk kanë asnjë provë e as fakte