Sulmet kibernetike kanë qenë arsyeja që presidenti Bajram Begaj ka mbledhur për herë të tretë Këshillin e Sigurimit Kombëtar.

Gjatë fjalës së tij, në mbledhjen që zgjati për më shumë se 2 orë, kreu i shtetit kërkoi qe të bëhej një analizë e thelluar e gjendjes aktuale te sigurisë kibernetike në vend masat e marra nga institucionet.

Duke vlerësuar mbështetjen e ndërkombëtarëve në përballimin e sulmeve që erdhën nga Irani në korrik të vitit të shkuar, Begaj kërkoi të ketë një strategji më të qartë se ku duhet të fokusohen investimet dhe përpjekja e institucioneve për sigurinë më vazhdim.

Për këtë arsye, para anëtarëve të Këshillit të Sigurimit, raportuan drejtoresha e AKSH-it, Mirlinda Karcanaj dhe Igli Tafa, drejtori i Autoritetit Kombëtar për certifikimin elektronik dhe sigurisë kibernetike.

Për forcimin e kapaciteteve mbrojtëse, SHBA i ka dhënë Shqipërisë 50 mln dollarë, ndërsa BE ka premtuar 15 milionë euro.

LEXONI GJITHASHTU:

• Mbahet mbledhja e Këshillit të Sigurimit, zbardhet fjala e presidentit Begaj
• Shqipëria shpallet ekipi më i mirë për t’u përballur me sulmet kibernetike