“Sirena” sjell në Durrës 636 amerikanë, ja qytetet që do të vizitojnë turistët

636 turistë amerikanë kanë mbërritur ditën sotme në Portin e  Durrësit me kroçierën “Sirena”.

Sipas të dhënave nga Qendra e Informacionit në Autoritetin Portual, anija turistike me gjatësi 180 metra u ankorua mëngjesin e sotëm në kalatën 5 të portit më të madh të vendit.

Sipas të njëjtave burime, kroçiera “Sirena” po kryen një tur në disa qytete turistike të detit Mesdhe dhe u ndal në Durrës pas vizitës në Argostoli (Greqi).

Gjatë qëndrimit të anijes turistike në Durrës turistët e huaj do të vizitojnë qytetet e Tiranës, Krujës, Beratit dhe Durrësit dhe pas qëndrimit ditor në qytetin antik kroçiera do të vijojë lundrimin drejt Dubrovnikut (Kroaci).

LEXONI GJITHASHTU:

• 16-vjeçari Hysein Kroi shpallet kampion ndërkombëtar në Kick Box
• Kroçera nga SHBA mbërrin në Sarandë, Rama: Mbi 1 mln vizitorë të huaj deri në mars