Situata e zjarreve në vend, 6 vatra ende aktive

33 vatra zjarri janë shuar gjatë 24 orëve të fundit, nga 39 vatra të raportuara.

Sipas të dhënave nga Qendra Kombëtare Operacionale e Emergjencave Civile vijojnë të jenë aktive ditën e sotme zjarret në:

1. zonën pyjore Bode, Bashkia Maliq,
2. fshatin Skuraj, bashkia Kurbin,
3. Malin e Kakarriqit, bashkia Lezhë,
4. fshatin Gjadër, bashkia Lezhë,
5. fshatin Zavalinë, bashkia Elbasan
6. fshatin Kus, bashkia Tiranë.

Për shuarjen e plotë edhe të këtyre zjarreve janë duke punuar sot strukturat e pushtetit vendor të mbështetura nga ato në nivel qendror. Aktualisht vatrat nuk paraqesin rrezik për zona të banuara.

Në operacionet e fundit për shuarjen e vatrave morën pjesë rreth 1400 forca operacionale me 75 mjete si dhe helikopteri Cougar.

Ju bëjmë thirrje qytetarëve të raportojnë në kohë në numrat e emergjencave për çdo problematikë.

Agjencia Kombëtare e Mbrojtjes Civile do të vijojë ndërprerje ndjekjen e situatave dhe do të angazhojë të gjitha kapacitetet në nivel kombëtar dhe ndërkombëtar.

LEXONI GJITHASHTU:

• Zjarret në vend| Lokalizohen vatrat në Shëngjin, në Tepelenë nis ndërhyrja nga ajri
• “Mund të kishte pasoja tragjike”, Pjerin Ndreu bën bilancin e zjarrit në Shëngjin