Situatë e pakëndshme për presidenten e KE

Gjatë një takimi në Ankara mes presidentes së Komisionit Evropian, Ursula von Der Leyen, kolegut të saj Charles Michel dhe presidentit turk Recep Tayyip Erdoğan të mbledhur për të diskutuar rreth pikëpamjeve të ndryshme, mes tyre edhe të drejtat e grave, është krijuar një situatë e pakëndshme.

Ndërsa do të bëheshin gati të uleshin, si Charles Michel dhe Presidenti turk Erdoğan janë ulur të parët në dy karrige teke duke e lënë presidenten e Komisionit Evropian në këmbë, të menjanuar dhe të habitur nga ky xhest.

Yah not supposed to be like this
pic.twitter.com/0ru16B9sq8

— Bruno Maçães (@MacaesBruno) April 6, 2021

Zëdhënësi i Komisionit Evropian, Eric Mamer, komentoi dhe tha se: “Presidentja e KE u befasua… Por sidoqoftë, presidentja pret që institucioni i cili ajo përfaqëson të trajtohet brenda protokollit të kërkuar dhe për këtë arsye i ka kërkuar ekipit të marrë të gjitha masat e duhura për të siguruar që një incident i tillë të mos ndodhë në të ardhmen”

Një ngjarje si kjo vjen vetëm disa javë pasi Turqia u tërhoq nga konventa e Stambollit – një marrëveshje ndërkombëtare për të mbrojtur të drejtat e grave e për të parandaluar dhunën në familje.