S’ka armëpushim pa marrë territoret e pushtuara nga Rusia, thotë Zelenski

Presidenti ukrainas, Volodimir Zelenski deklaroi se një armëpushim me Rusinë, pa marrë territoret e pushtuara, do e zgjaste luftën.

Ai paralajmëroi se një armëpushim që i lejon Rusisë të mbajë të pushtuara territoret ukrainase, do të inkurajonte një konflikt edhe më të gjerë, shkruan Reuters.

Kjo sipas tij, do i jepte Moskës një mundësi për të kryer ofensivë dhe sulme të reja ndaj forcave ukrainase.

“Ngrirja e konfliktit me Federatën Ruse do të thotë që ne do i japim mundësi atyre që të pushojnë dhe të përgatiten për një tjetër ofensivë”, u shpreh Zelenski.

Vetëm një ditë pasi Ukraina dhe Rusia nënshkruan marrëveshjen për  të lejuar eksportin e grurit, shpërthime janë dëgjuar në portin kyç të Odesës.

Ushtria ukrainase bëri me dije se 2 raketa goditën portin në orët e para të mëngjesit.

Sipas kushteve të marrëveshjes të nënshkruar në Stamboll, Rusia ra dakord të mos godiste portet ndërsa dërgesat e grurit janë në tranzit.

Pavarësisht akuzave nga Kievi, Moska nuk ka konfirmuar nëse ka sulmuar apo jo infrastrukturën ne qytetin jugor te Ukrainës.

LEXONI GJITHASHTU

• Një ditë pas marrëveshjes së grurit, rusët sulmojnë portin e Ukrainës
• Marrëveshje me SHBA-në, a po ja kthen Kina shpinën Rusisë?