Skandali “Honoris Causa”, flet rektori Gjata: Solinas s’ka marrë asnjë titull

Pas hetimeve që prokuroria italiane ka nisur për presidentin e Sardenjës, Christian Solinas që prej vitit 2019 u zbulua dhe një “skandal” që përfshin Universitetin e Mjekësisë në Shqipëri.

Mediat italiane shkruajnë se guvernatori ka arritur të marrë në mënyrë të paligjshme titullin “Honoris Causa” nga Universiteti i Mjekësisë në Tiranë, ndoshta pa shkelur asnjë ditë në kryeqytetin shqiptar dhe pa u ulur asnjë ditë në auditoret e universitetit.

Rektori Arben Gjata mohoi gjithçka në një intervistë për Euronews Albania duke shpjeguar se Solinas nuk ka marrë asnjë titull nderues.

“Nuk e di, nuk mund ta shpjegoj. Të gjithë titujt “Honoris Causa”, universiteti pasi i jep, i çon për t’u certifikuar në ministrinë e Arsimit. Pra, ne kemi listën e plotë të gjithë titujve doktor “Honoris Causa” që kemi dhënë, ashtu siç i ka dhe ministria e Arsimit dhe Solinas jo vetëm që nuk është, por s’është propozuar ndonjëherë për të marrë titullin “Honoris Causa”. S’ka bërë ndonjë gjë për universitetin që t’i jepnim këtë titull,” – u shpreh rektori Gjata i cili sqaroi se është një procedurë e gjatë deri te dhënia e titullit.

LEXONI GJITHASHTU:

• “Dehari”|PDK: Të zbardhet zhdukja e mostrave në institutin e mjekësisë ligjore
• Rrëfimi tronditës: Sirianët e plagosur nga tërmeti po vdesin pasi s’ka staf mjekësor