Skeleti 150 milionë vjeçar i dinozaurit Barry do të shitet në Paris

Një skelet, pothuajse i plotë, i një dinozauri do të shitet në një ankand në Paris, në muajin e ardhshëm. Ky skelet, që besohet se ekziston që 150 milionë vjet më parë, është zbuluar më 1990 në Uajoming të Shteteve të Bashkuara.

Ai është emërtuar Barry, sipas Barry James, paleontologut që e ka zbuluar atë. Ekspertët besojnë se skeleti është i ruajtur “jashtëzakonisht mirë”.

Ai parashihet që mund të shitet për 1.2 milion euro në ankandin e 20 tetorit në Hotelin Drouot.

Barry besohet se ka qenë 2.1 metra i gjatë.

Alexandre Giquello, nga shtëpia e ankandit, ka thënë se është e pazakonshme të shohësh një skelet kaq të paprekur të ndonjë dinozauri.

“Kafka është 90 për qind e kompletuar dhe pjesa tjera e dinozaurit është 80 për qind e kompletuar”, ka thënë ai. Shitje të tilla të skeletit të një dinozauri janë tepër të rralla.

LEXONI GJITHASHTU:

• “Ferrari, në qiellin e shtatë”, Sainz i gëzohet fitores së parë sezonale
• Bayern i pakënaqur me Tuchel/ Gjermani s’i bind drejtuesit, Alonso si zëvendësues