Bayern i pakënaqur me Tuchel/ Gjermani s’i bind drejtuesit, Alonso si zëvendësues

3 trofetë e humbur në krye të Bayernit rëndojnë shumë për Thomas Tuchel, i cili me gjasa do ta mbyllë aventurën në Mynih më shpejt nga c pritej.

Bayerni po kalon një formë të mirë në kampionat, por sërish drejtuesit janë të pakënaqur nga performanca aktuale. Sipas Bild, klubi e ka vënë në dijeni 50-vjecarin se nuk do t’i tolerohet asnjë lloj trofeu i humbur këtë sezon, pasi në pikë të tillë shkarkimi është i menjëhershëm.

Zëvendësuesi i tij cilësohet trajneri i aspirinave, Xabi Alonso. Ky i fundit po bën mirë me Leverkusenin ndërsa renditet në vendin e parë në kampionatin gjerman.

3 fitore dhe një barazim në 4 përballje tregojnë se spanjolli po bën një punë të jashtëzakonshme, ku ekipi i tij ka shënuar 14 gola. Problem ii vetëm nëse ky skenar është i vërtetë, mbetet kontrata e ish-bavarezit që e lidh me klubin e Leverkusenit deri në vitin 2026.

Një ofertë nga Bayern Munchen vështirë se mund të refuzohej nga Alonso, i cili edhe pse i ri në trajnim, ka premise për të qenë një trajner i suksesshëm. Në anën tjetër, tek Tuchel rëndon dhe presioni i merkatos, ku janë shpenzuar shumë para, si në rastin e sulmuesit Harry Kane.

Ky i fundit po bën mirë në sulm, ku ka arritur të shënojë 4 gola. Kujtojmë se që prej emërimin në krye të Bajernit, Tuchel ka humbur ligën e kampionëve, kupën dhe superkupë ne Gjermanisë.

LEXONI GJITHASHTU: 

• OKB: Libia rrezikon të përballet me shpërthimin e ndonjë sëmundjeje
• Dhuli: Në Himarë do deklarohen më shumë grekë seç janë, shkak Beleri