Skena apokaliptike në Illinois, tornadoja shkatërruese merr para gjithçka (VIDEO)

Skena që të kujtojnë një katastrofë filmike u zhvilluan në shtetin amerikan të Illinois, kur një tornado përfshiu një zonë rurale të Qarkut Livingston, duke lënë pas dëme të shumta dhe imazhe mahnitëse.

Fenomeni u kap në video të enjten, më 11 qershor, me vorbullën e madhe që mbulonte pothuajse të gjithë horizontin ndërsa lëvizte kërcënueshëm drejt qytetit të Streetor. Imazhet kapin intensitetin e fenomenit ekstrem të motit, i cili u shoqërua me stuhi të forta që goditën zonën e madhe të Çikagos për orë të tëra.

Sipas mediave lokale, tornadot dëmtuan ndërtesa dhe infrastrukturë, ndërsa dhjetëra pemë u shkulën dhe ranë në rrugë, duke ndërprerë trafikun për disa orë. Shkalla e shkatërrimit të lënë pas nga moti i keq u zbulua me dritën e parë të ditës.

Një burrë u shpëtua nga rrënojat e shtëpisë së tij, e cila u shemb për shkak të erërave të forta. Deri më tani nuk janë raportuar lëndime të tjera serioze, pavarësisht ashpërsisë së fenomenit.

Quick edit showing some of the intense moments today while documenting 8 tornadoes in northern Illinois into Indiana. Massive shoutout to @skydrama for nailing the forecast in the warm sector. Hands down the craziest tornado outbreak I've ever documented.

Full video will be… pic.twitter.com/LZ1ciAlR3e

— Gabe Cox 🌪️ (@gabecox) June 12, 2026