Skënderbeu| Momenti për kthesën, korçarët të penalizuar nga mungesat

Dy humbjet radhazi ndaj Laçit e Vllaznisë nuk janë pritur mirë nga drejtuesit e Skënderbeu e trajneri Gvozdenovic, i cili kërkon kthesën ndaj kryesuesve të Superligës Shqiptare. Dy skuadrat përballen në stadiumin ‘Skënderbeu’ me njëra-tjetrën, ndërsa tekniku serb ka pohuar se ky është momenti i duhur për të bërë kthesën.

 “Patjetër do reagojmë, se pas dy humbjesh radhazi, tani është momenti për reagim. Prapë do flasim pas ndeshjes si jemi,” – u shpreh Gvozdenovic.

Më tej tekniku ka shtuar se skuadra vuan 3 mungesa për këtë sfidë.

 “Ne kemi 3 lojtarë që do mungojnë. Do shikojmë, kemi opsione dhe do shohim kokë më kokë. Do vendosim sot, në stërvitjen e fundit,” – tha ai.

Të shtunën luhen dhe ndeshje të tjera, derbi Tirana-Dinamo dhe Teuta-Partizani. Të kuqtë kanë zhvilluar përgatitjet e fundit, ndërsa skuadra ende nuk ka përzgjedhur trajnerin e ri.

 “Trajneri i ri? Ne jemi në negociata për të diskutuar me profilet që kemi përzgjedhur. Nuk është e lehtë duke pasur parasysh në momentin që ndodhemi. Gjithsesi këtë qetësi na e jep dhe fakti që ekipi përgjigjet mjaft mire,” – u shpreh Abilaliaj.

Kryendeshja e javës padyshim cilësohet ajo mes Tiranës dhe Dinamos, për faktin se është derbi i kryeqytetit, por dy ekipet kanë një ecuri krejt të kundërt nga njëra-tjetra.

LEXONI GJITHASHTU:

• VIDEO| Dhunë në stadium, sulmohet me grushte presidenti i Skënderbeut dhe i biri
• Vdes nga problemet kardiake futbollisti i njohur i Skënderbeut të viteve 1975-1985