Skënderbeu si indian apo egjiptian, Haliti: Portreti s’përkon me të kaluarën 

Së fundmi po qarkullon në internet një foto e Skënderbeut, e realizuar nga programi DELL.E 2 i inteligjencës artificiale. Kjo foto ka ngjallur shumë komente, shumica e të cilave janë me konotacion negativ dhe nuk e kanë pëlqyer.

Madje komentuesit shprehen se nuk ngjason me një shqiptar, por më shumë duket si indian apo si egjiptian. Më herët, ndër vite janë realizuar portrete të ndryshme të heroit tonë kombëtar të cilat janë vlerësuar dhe madje janë përdorur edhe zyrtarisht në institucione, sikurse është punimi i Odise Paskalit.

Piktori Helidon Haliti tha në emisionin “Good Morning Albanians” se në momentin që ka gravura të cilat janë bërë në kokë, portreti i krijuar nuk përkon në asnjë gjë me të kaluarën.

“Pra është një personazh i një figure pse jo fisnike, aspak shqiptare, por po të hyjmë më thellë në sy, ka diçka që ndoshta është në lidhje me Hamzain. Nuk është çështja se aty ka ndonjë fyerja ekselente; nuk ka lidhje me imazhin e vërtetë të gravurave të asaj kohe”, tha Haliti.

Ai tha se portreti ka bujën e momentin pasi është një program i ri.

LEXONI GJITHASHTU:

• A ka një mur për mua? Pallatet e Tiranës mbulohen me murale nga artistët botërorë
• Festivali i Artit Mural, artistë vendas dhe të huaj pikturojnë në hapësira të hapura