Skënderi zbulon shqetësimin e PS dhe PD: Tmerrohen nga hyrja e alternativave në Parlament

Kandidatit për deputet nga radhët e Bindjes Demokratike, Arben Skënderi, tha se partitë kryesore janë shkaku dhe pasoja e gjendjes ku ndodhet Shqipëria sot.

“Të gjithë po flasin për ndryshimin e sistemit,  të gjithë e përdorin, por si fillon ndryshimi i sistemit? Janë po të njëjtit njerëz. Janë po të njëjtët që janë edhe shkaku edhe pasoja, por duan të jenë edhe zgjidhje? Është e pamundur.”, tha ai.

I pranishëm në studion e “Ilva Now” në Euronews Albania, z. Skënderi tha se hyrja e partive të reja në Parlament i tmerron partitë tradicionale.

“Vetëm po u futën personalitet të një natyre tjetër në parlament, nga tribuna kryesore, aty mund të fillojë lobimi. Frika që mund të hyjnë alternativa në Parlament, i tmerron. Kjo është çështja”, tha ai.

LEXONI GJITHASHTU:

• Arben Skënderi: Partitë e mëdha kanë polarizuar maksimalisht militantët e tyre
• Endri Shabani: Një pjesë e mirë e qytetarëve besojnë se vendosin ndërkombëtarët kush qeveris
• Endri Shabani: Partitë e mëdha prodhojnë gjithçka, përveç entuziazmit
• Arben Skënderi: Ndryshe nga zgjedhjet e tjera, qytetarët tashmë kanë alternativa