Skocia i jep leksion Spanjës, Zvicra nën drejtimin e Xhakës ‘rrëmben’ fitoren e dytë

Zvicra e udhëhequr nga kapiteni Granit Xhaka ka hipotekuar fitoren e dytë në grupin I, ku ka mposhtur Izraelin me rezultatin 3-0. Helvetët janë favoritë për të mbërritur në Europianin e vitit të ardhshëm në Gjermani, ndërsa nuk hasën pengesa ndaj izraelitëve. Goli i parë erdhi në minutën e 39-të, ndërkohë në pjesën e dytë Zvicra shënoi dhe dy gola të tjerë. Rumania po ashtu ka shkuar në kuotën e 6 pikëve, duke u renditur e dyta, pas fitores së regjistruar ndaj Bjellorusisë.

Skuadra që zhgënjeu mbrëmjen e së martës ishte Spanja, e cila nuk ia doli dot në përballjen me Skocinë. Vendësit shënuan dy herë në portën e iberikëve me mesfushorin e djajve të kuq, Skot Mctominay. Në këtë grup, përballja tjetër mes Gjeorgjisë dhe Norvegjisë u mbyll në shifrat 1-1.

Në grupin D, Kroacia po ashtu rrëmbeu 3 pikëshin e parë, duke fituar ndaj Turqisë me rezultatin 2-0. Heroi i ballkanasve ishte mesfushori Kovacic i cili shënoi dy herë që në pjesën e parë. Edhe pse me Gareth Bale tashmë të tërhequr nga kombëtarja, Uellsi fitoi ndaj Letonisë me rezultat minimal, ndërsa goli u shënua nga Moore.

LEXONI GJITHASHTU

• Kosova zhgënjen sërish, dardanët nuk marrin dot as 3 pikë me Andorrën
• Shqipëria e pa fat, asnjë pikë në ndeshjen e parë të kualifikuesve EURO 2024
• Zbulohet oferta e çmendur për Messin nga Arabia, më e lartë se ajo e Ronaldos