Kryeminstrja skoceze, Nicola Sturgeon po planifikon mbajtjen e një referendumi të dytë, në të cilët qytetarët do të pyeten, nëse duan pavarësi nga Mbretëria e Bashkuar.
Ajo pritet të parashtrojë planin e saj për mbajtjen e një votimi të ligjshëm në tetor të vitit të ardhshëm, me ose pa pëlqimin zyrtar të ministrave të Mbretërisë së Bashkuar, shkruan BBC.
Sturgeon pretendon se e ka mandatin për një referendum të tillë, pasi partitë që mbështesin pavarësinë e Skocisë, SNP dhe të Gjelbrit skocez, kanë shumicën në parlament.
“Qeveria e Mbretërisë së Bashkuar nuk është në gjendje t’i japë leksione ndonjë vendi tjetër për nevojën për të respektuar normat demokratike nëse synon të përpiqet të pengojë demokracinë në vend”, theksoi kryeministrja e Skocisë.
Por kryeministri i Mbretërisë së Bashkuar Boris Johnson dhe Partia e tij Konservatore, e cila është në opozitë në Skoci, kundërshtojnë çdo votim të tillë.
Sipas tyre, çështja u zgjidh në vitin 2014- kur 55 për qind e skocezëve votuan kundër daljes nga Mbretëria e Bashkuar.
LEXONI GJITHASHTU
