Sllovakia miraton dërgimin e avionëve luftarakë në Ukrainë

Qeveria sllovake ka miratuar dërgimin e avionëve luftarakë MiG-29 në Ukrainë, ka bërë të ditur kryeministri këtë mëngjes.

Kjo vjen një ditë pasi Polonia tha se do të dërgonte katër avionë MiG-29 në Ukrainë në ditët në vijim.

Muajin e kaluar Eduard Heger, kryeministri sllovak, tha se vendi mund të nisë diskutimet për dërgimin e avionëve.

Polonia dhe Sllovakia, të cilat janë në krahun lindor të aleancës ushtarake të NATO-s, kanë qenë mbështetës të fortë të Ukrainës që nga pushtimi rus vitin e kaluar.

Kryeministri i Danimarkës tha gjithashtu dje se vendet perëndimore po debatojnë nëse do të dërgojnë avionë luftarakë në Ukrainë.

LEXONI GJITHASHTU: 

• Kryetari i Bashkisë së Krujës paraqitet në SPAK
• Osmani: Shpresë nga takimi në Ohër, Serbia mos të pengojë procesin e dialogut