Sllovenia drejt referendumit: Qytetarët do të vendosin nëse do të qëndrojnë në NATO

4 Korrik 2025 | 20:27

Në pak se një orë pasi humbi votimin parlamentar për referendumin konsultativ mbi shpenzimet e mbrojtjes sot, partia sllovene në pushtet Lëvizja për Liri vendosi të kërkojë referendumin e saj konsultativ mbi anëtarësimin në NATO, raporton STA.

Kjo është një çështje reale për të cilën qytetarët duhet të shprehen, njoftoi partia, duke deklaruar se propozimi do të dorëzohet zyrtarisht javën e ardhshme.

“Ka vetëm dy mënyra: ose të qëndrojmë në NATO dhe të paguajmë tarifat e anëtarësimit, ose të largohemi nga aleanca. Çdo gjë tjetër është një mashtrim populist i qytetarëve të Sllovenisë”, tha kryeministri slloven Robert Golob në llogarinë zyrtare të qeverisë në rrjetin X.

Deklarata e tij pasoi miratimin nga Asambleja Kombëtare të një propozimi nga e Majta, një partner i vogël në koalicionin qeverisës, për të mbajtur një referendum konsultativ mbi rritjen e shpenzimeve të mbrojtjes.

Koalicioni u nda kur Lëvizja për Liri e Golobit votoi kundër tij, ndërsa partnerët më të vegjël bashkuan forcat me opozitën konservatore në mbështetje të votës popullore.

Golob e përshkroi referendumin mbi shpenzimet e mbrojtjes si “një tjetër referendum të pakuptimtë që u konfirmua nga koalicioni i Partisë Demokratike (SDS), Sllovenisë së Re (NSi) dhe Social Demokratëve (SD), ndërsa, sipas tij, referendumi mbi anëtarësimin në NATO do të “largonte çdo dyshim në lidhje me vullnetin e vërtetë të popullit”.

Home Kryefaqja
Shiko në: YouTube
Lajme të Sugjeruara

Aeroportet e Romës do të pezullojnë sistemin e ri EES gjatë verës për të shmangur fluksin e lartë të pasagjerëve

Aeroportet e Romës do të duhet të pezullojnë sistemin e ri dixhital të kufijve të BE-së për qytetarët jo-BE për të shmangur një “katastrofë” gjatë...
12:48 | 25/06/2026

Vala e të nxehtit në Spanjë, 212 viktima gjatë katër ditëve të fundit

Të paktën 212 vdekje të regjistruara midis të dielës dhe të mërkurës mund t’i atribuohen valës së të nxehtit që ka goditur Spanjën këto ditë,...
12:00 | 25/06/2026

Macron: Marina franceze ka kapur një tjetër tanker rus të “flotës në hije”

Presidenti i Francës, Emmanuel Macron tha të enjten se marina e franceze ka kapur një anije cisternë nafte ndërsa ajo po kalonte pranë bregut të...
12:00 | 25/06/2026