Sondazhi në Euronews Albania për liderët, Spahiu: Çdo popull meriton qeverinë që ka
Kreshnik Spahiu komentoi sondazhin e Euronews Albania dhe MRB për liderët e preferuar dhe më pak të preferuar të shqiptarëve.
Ai u shpreh se çdo vend në botë meriton qeverinë që ka. Ai nënvizoi se është fatkeqësi që populli nuk mbështet figurat e reja politike, ndërkohë që nuk pëlqen të vjetërit.
“Këta 3 politikanë ja në prodhim i kësaj shoqërie. Çdo popull në botë meriton atë qeveri që ka. Asnjë komb tjetër në Europë nuk mund t’i lejojë vetes që të jetë europian dhe mbajë 32 vjet vetëm 3 emra. 3 veta kanë çelësat e gjithë shtetit shqiptar dhe janë shumë të konsumuar dhe sa gjysma e popullsisë nuk i pëlqen. Është fatkeqësi për një popull që nuk mbështet figura të reja”, u shpreh Spahiu.
Shqiptarët sot nuk pëlqejnë asnjë nga figurat politike në vendin tonë. Të pyetur nga Barometri në Euronews Albania, 56% e tyre kanë shprehur mendim negativ për kryeministrin Edi Rama, ndërsa 40.6% kanë qasje pozitive ndaj figurës së tij.
Qasja negative rritet më shumë kur flasim për opozitën, ku për kryetarin e Partisë Demokratike, Sali Berisha, 71.5% e shqiptarëve kanë mendim negativ. Ndërsa vetëm 26.2% e të targetuarve kanë mendim pozitiv.
Figura më pak e pëlqyer është kryetari i Partisë së Lirisë, Ilir Meta, ku 90.7% e të targetuarve e kanë vlerësuar negativisht. Ndërsa vetëm 6.7% e tyre kanë shprehur vlerësim pozitiv.
Jashtë kësaj liste nuk është as ish-kreu i PD, Lulzim Basha, të cilin 83.5% e të pyeturve e kanë vlerësuar negativisht, ndërsa vetëm 14% e kanë vlerësuar pozitivisht.
LEXONI GJITHASHTU:
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta