Soreca: 50 ekipe nga BE do të vëzhgojnë procesin e votimit

Ndërsa jemi në prag të zgjedhjeve nuk mungojnë edhe mbështetja apo monitorimi nga ndërkombëtarët.

Një prej reagimeve më të fundit vjen nga Ambasadori i Bashkimit Evropian në Shqipëri, Luigi Soreca, i cili në emër të bllokut ka njoftuar se për të monitoruar procesin e votimit dhe numërimit të votave do të vendosen 50 ekipe vëzhguese në të gjithë Shqipërinë.

Njoftimi është bërë i ditur me anë të një postimi në Twitter nga përfaqësuesi i bllokut të 27 vendeve.

Today the #EU🇪🇺Heads of Missions to #Albania🇦🇱met again to wrap up preparations in view of next Sunday 25/4 elections. The EU🇪🇺 Diplomatic Watch will deploy 50 teams in polling stations throughout Albania🇦🇱 during voting and counting procedures, in support to @osce_odihr Mission. pic.twitter.com/Hh2Qhu2Ely

— Luigi Soreca🇪🇺 (@LSorecaEU) April 21, 2021

Sipas postimit, Soreca e ka dhënë lajmin në një takim virtual me Krerët e Misionit të Bashkimit Evropian në Shqipëri, ku kanë diskutuar dhe përfunduar përgatitjet në funksion të zgjedhjeve të datës 25 prill.