Gjykata lë në burg policin që vrau kolegun 55-vjeçar

Gjykata e Tiranës la në burg policin Ludian Zaimi, i cili vrau kolegun të dielën.

Gjyqi u zhvillua të enjten, në orën 11:00.

Avokati i Ludian Zaimit: e ka kryer vrasjen ne kushtet e tronditkes se rende psiqike. Ka pranuar se merte qetësues

Avokati i Ludian Zaimit deklaroi se i mbrojturi i tij e ka kryer vrasjen në kushtet “e tronditjes së rëndë psiqike”, ndërsa autori ka pranuar se merrte ilaçe qetësuese.

Mësohet se Zaimi ka shfaqur pendesë të thellë për aktin e kryer.

Efektivi i policisë Ludian Zaimi qëlloi me armën e shërbimit kolegun e tij Çaush Saliasi, 55 vjeç duke i shkaktuar vdekjen.

Ngjarja ndodhi në kohën kur po ndaheshin detyrat brenda ambienteve të Komisariatit nr. 3 në kryeqytet.

Euronews Albania siguroi videon ekskluzive të momentit kur Zaimi qëlloi kolegun për vdekje.

Në pamjet e siguruara nga emisioni ‘Sot’ shihet se si njëri nga kolegët i merr armën efektivit 25-vjeçar duke e neutralizuar. Më tej efektivët e tjerë shihen teksa e kapin nga krahët dhe e fusin menjëherë brenda ambienteve të komisariatit.

Zaimi qëlloi të paktën me 6 plumba ndaj Saliasit, i cili ndërroi jetë në spital pas plagëve të marra.

LEXONI GJITHASHTU:

• VIDEO| Si neutralizohet nga kolegët efektivi pas vrasjes në komisariat