Spahia: Dera është e hapur për demokratët që s’më votuan

Bardh Spahia fitoi zgjedhjet e pjesshme në Shkodër, duke i dhënë Shtëpisë së Lirisë një fitore në zgjedhjet e 6 marsit.

“Ka qenë një garë intensive por edhe e bukur, ku ne vendosem të gjithë energjinë, pozitivitetin dhe idetë tona”, u shpreh Spahia në emisionin Sot në Euronews Albania, pas shpalljes së rezultatit.

Spahia dhe se e ka ndjerë mbështetjen e qytetarëve të Shkodrës në të gjitha takimet elektorale që janë zhvilluar.

Më herët Spahia tha se “ndjen trishtim” për faktin që ka parë “demokratë që ndjejnë urrejtje ndaj njër-tjetrit”.

Por, ai u bëri thirrje demokratëve që nuk e kanë votuar që të bashkohen me Shtëpinë e Lirisë.

Ai tha se i jep rëndësi të veçantë domosdoshmërisë së bashkimit me demokratët që mbështesin Lulzim Bashën në vend të Komisionit të Rimethelimit të PD.

Partia Socialiste fitoi 5 bashki në këto zgjedhje, 1 bashki e fitoi Shtëpia e Lirisë, ndërsa Partia Demokratike u rëndit e treta në 5 nga 6 bashkitë.

Basha i ka cilësuar “anomali” këto zgjedhje. Nga radhët e PD-së ka reaguar edhe Grida Duma, e cila tha se rezultati ishte i papritur, dhe se do të merren përgjegjësi, përfshi edhe kryeatrin Basha. Salianji, Gjekmarkaj dhe disa deputetë të tjerë të PD-së nuk pranuan të prononcohen.