SPAK kërkon konfiskimin e disa prej pasurive të Dritan Dajtit

Prokuroria e Posaçme Kundër Korrupsionit dhe Krimit të Organizuar kërkon në Gjykatën e Posaçme konfiskimin e disa prej pasurive të Dritan Dajtit.

Gazetari i Euronews Albania, Eni Ferhati raporton se kërkesa është bërë në bazë të aktit normativ të Operacionit Forca e Ligjit.

Burimet bëjnë me dije se fillimisht ishte vendosur sekuestro nga OFL-ja për pasuritë e Dajtit, por tani çështja ka kaluar në gjykatë.

Nuk dihet lista e pasurive që kërkohet konfiskim nga SPAK, por vetëm numri i tyre, që është 6.

Për këtë çështje, Gjykata e Posaçme ka caktuar këtë të mërkurë në orën 13:30 shqyrtimin e kërkesës së SPAK.

Dritan Dajti, u dënua me akuzën e vrasjes në rrethana cilësuese të oficerëve të policisë, Fatos Xhani, Sajmir Duçkollari, Altin Dizdari dhe Kastrit Feskaj gjatë një operacioni policor për kapjen e tij në vitin 2009.

Fillimisht ai u dënua me burgim të përjetshëm, por ky vendim u hoq nga Gjykata e Apelit të ish-Krimeve të Rënda, e cila e dënoi me 25 vite burg.

LEXONI GJITHASHTU:

Dritan Dajti transportohet për në spital

Gjyqtarët që i ulën dënimin Dritan Dajtit kërkojnë kthimin e parave të sekuestruara nga gjykata

Pranuan gjykim të shkurtuar për Dritan Dajtin, shtyhet seanca për tre gjyqtarët