SPAK-u duhet të ketë fakte të qarta për Berishën, thotë Baton Haxhiu

Analisti Baton Haxhiu thotë se situata politike është e rëndë, pas shpalljes ‘non grata’ të ish-kryeministrit dhe kryetarit të Partisë Demokratike, Sali Berisha nga Britania e Madhe, duke pasuar atë të SHBA-ve në maj të vitit 2021.

Në një intervistë për “Euronews Albania”, Haxhiu u shpreh SPAK-u dhe institucionet e tjera të drejtësisë, duhet të jenë shumë të kujdesshme në veprimet e tyre.

Sipas tij, këto institucione duhet të kenë fakte të qarta për të provuar korrupsionin dhe minimin e demokracisë nga Berisha.

“Është një situatë gjeopolitike shumë e rëndë, jashtëzakonisht e rëndë. Për faktin se është e tillë, edhe SPAK-u e të tjerë, duhet të jenë të kujdesshëm në veprimet e tyre. Duhet të kenë fakte të pashlyeshme, duhet të kenë fakte të cilat realisht janë aq të qarta, aq të pastra, atëherë SPAK-u duhet të bëjë një gjë publike për korrupsionin e Berishës dhe pengesën e demokracisë”, theksoi Haxhiu.

Sali Berisha deklaroi këtë të premte se i është ndaluar hyrja në territorin e Britanisë së Madhe. Sipas tij, vendimi është në vazhdën e shpifjeve të sponsorizuara nga Soros.

Arsyetimi që Berisha kishte marrë për këtë vendimi ishin lidhjet me grupet e krimit të organizuar dhe kriminelë të cilët kanë paraqitur një rrezik për sigurinë publike në Shqipëri dhe Britani dhe korrupsioni.

Pavarësisht se vendimi është konfidencial, Berisha theksoi se e bëri publik për qytetarët shqiptarë me të cilët ka qenë gjithnjë i vërtetë.

LEXONI GJITHASHTU

• Haxhiu: SHBA-të i kërkuan Britanisë së Madhe të shpallin ‘non grata’ Berishën
• Për lidhje me krimin s’jam akuzuar as nga kundërshtarët, pretendon Berisha
• Berisha: Më kanë ndaluar hyrjen në Britaninë e Madhe