Spërkatën turistët me ujë, Ministri spanjoll dënon veprimet e protestuesve

Ministri spanjoll i Turizmit Jordi Hereu dënoi sot veprimin e një numri të vogël demonstruesish që spërkatën turistët në Barcelonë me pistoleta uji gjatë fundjavës në shenjë proteste kundër turizmit masiv.

Ai tha se njerëz të tillë nuk përfaqësojnë kulturën spanjolle të mikpritjes. Sipas Reuters protestuesit në Barcelonë spërkatën turistët me ujë fundjavën e kaluar si pjesë e një proteste kundër turizmit masiv në lagjen e njohur Las Ramblas të qytetit.

Hereu, i cili më parë ishte kryebashkiak i Barcelonës, u tha gazetarëve se ndërsa veprimet e protestuesve ishin të dënueshme, i gjithë rasti ishte ekzagjeruar në mediat ndërkombëtare.

Demonstruesit mbanin pankartën “Mjaft! Le të kufizojmë turizmin”, ka pasur edhe konflikte verbale që kanë përfunduar shpejt, raporton El Pais.

“Qytetarët i vuajnë drejtpërdrejt pasojat e turizmit duke rritur koston e jetesës, qiranë, presionin ndaj shërbimeve publike dhe humbjen e identitetit lokal të qytetit”, deklaruan organizatorët e demonstratës, të cilët kërkuan uljen e numrit të fluturimeve në aeroport , terminalet e lundrimit të mbyllen në port dhe anulohen akomodimet turistike në hotele dhe apartamente.

LEXONI GJITHASHTU:

• Tsikhanouskaya i bën thirrje Perëndimit të jetë i bashkuar kundër Rusisë
• Zgjedhjet në Himarë, si do të ndahen anëtarët mes partive në KZAZ