Spiropali: Hakerat s’ia dolën dot me Shqipërinë, duhet mbrojtje e përhershme

Ministrja e Shtetit për Marrëdhëniet me Parlamentin, Elisa Spiropali deklaroi për Euronews Albania se duhen sisteme të forta për të përballuar sulme të tilla kibernetike.

“Sulmi ka qenë masiv, mund të krahasohet dhe me agresion ushtarak në botën digjitale dhe qëllimi final ka qenë pikërisht zhdukja e të gjitha të dhënave dhe ndalimi apo sakatimi i të gjitha shërbimeve qeveritare dhe shtetërore. Kësaj nuk ja kanë mbërritur, por lind nevoja që si me mbështetje ekspertizë, por dhe financiare, Shqipëria të fortifikojë rrjetet e saj,” – u shpreh Spiropali.

Ajo kujtoi se Irani konsiderohet nga Komisioni i Sigurisë në NATO, por dhe aktorë të tjerë si një nga vendet me kapacitetet më të larta për sulmet kibernetike, por dhe keqdashësi në raport me shtetet e tjera.

LEXONI GJITHASHTU:

• Sulm kibernetik ndaj TIMS, Burimi: Cenohet siguria e institucioneve dhe pushtetarëve