Stano: Dialogu Kosovë-Serbi vijon javën tjetër, negociatorët kryesorë në Bruksel 

Dialogu mes Kosovës dhe Serbisë vijon javën e ardhshme, kur në Bruksel të mbërrijnë negociatorët kryesorë të dy palëve.

Ata do të shkojnë atje me ftesë të të dërguarit special për të vazhduar me atë çfarë u dakordua në Ohër dhe për të ndërmarrë hapat e parë drejt zbatimit.

Lajmi u bë me dije nga zëdhënësi i Komisionit Evropian, Peter Stano.

Stano theksoi se Bashkimi Evropian ka nisur tashmë një pjesë të punës në lidhje me negociatat. Ai konfirmoi gjithashtu se në të ardhmen do të ketë më shumë takime në nivelin më të lartë dhe se dialogu do të vazhdojë.

LEXONI GJITHASHTU:

• Meta takon Kurtin: Mbështes qëndrimet e Prishtinës në procesin e dialogut me Serbinë
• Gazetari Hajrullahu: Njerëzit në Kosovë janë të lodhur nga dialogu me Serbinë