Starmer pas takimit me Zelensky: Nëse Putini e ka seriozisht paqen, ka mundësi…

Pas një takimi dypalësh me Presidentin ukrainas Volodymyr Zelensky, kryeministri britanik Keir Starmer deklaroi sot se ekziston një mundësi reale për “progres” në samitin e ardhshëm të Alaskës, por theksoi se kjo varet nga veprimet e presidentit rus Vladimir Putin.

“Ka një shans për të ecur përpara, për sa kohë që Putini ndërmerr hapa konkretë për të treguar se e ka seriozisht çështjen e paqes”, tha Starmer, duke nënvizuar se vullneti diplomatik ekziston, por kërkon sinjale të qarta nga Moska.

Në deklaratën e përbashkët pas takimit, u theksua se dy liderët “ranë dakord se kishte pasur një ndjenjë të fuqishme uniteti” dhe “një vendosmëri të palëkundur për të arritur një paqe të drejtë dhe të qëndrueshme në Ukrainë”. Takimi vjen një ditë pas bisedimeve mes udhëheqësve evropianë dhe Presidentit amerikan Donald Trump.

Sipas deklaratës, Zelensky dhe Starmer do të qëndrojnë në kontakt të ngushtë gjatë ditëve në vijim, duke koordinuar qëndrimet për zhvillimet në terren dhe përgatitjet për samitin ndërkombëtar.

LEXONI GJITHASHTU:

• Zelensky: Takimi me Starmer produktiv, mirënjohës Britanisë për mbështetjen
• Macron: Sipas Trump, NATO nuk duhet të shërbejë si garantues sigurie për Kievin