Stoltenberg: Aktivitetet e ushtrisë ruse në Arktik, sfidë për NATO-n 

Aktivitetet ruse në rajonin e Arktikut përfaqësojnë një sfidë strategjike për NATO-n dhe Aleanca duhet të forcojë praninë e Aleatëve në Arktik, tha sot Sekretari i Përgjithshëm i NATO-s Jens Stoltenberg gjatë vizitës së tij në Kanada.

“Veriu i largët i planetit është gjithnjë e më i rëndësishëm për NATO-n dhe Kanadanë, sepse ne shohim një ngritje të konsiderueshme të ushtrisë ruse në Arktik, me baza të reja, sisteme të reja armësh”, tha Stoltenberg në prani të kryeministrit kanadez Justin Trudeau në Cold Lake, në provincën kanadeze të Alberta-s, raporton Reuters.

Trudeau shtoi se situata gjeopolitike ka ndryshuar muajt e fundit dhe kjo është arsyeja pse ai thotë se e pranon se “Rusia është një shqetësim në rritje dhe se ka ardhur koha për t’i ndarë të gjitha këto me Sekretarin e Përgjithshëm të NATO-s”, një aleancë që përfshin Kanadanë.

LEXONI GJITHASHTU:

• Zyrtari ukrainas: Shqipëria, pjesë e NATO-s, mos anashkaloni kërcënimet