Stoltenberg: Putin po përgatitet për sulme, jepini Ukrainës armët që i nevojiten

Sekretari i Përgjithshëm i NATO-s Jens Stoltenberg ka deklaruar se Aleanca duhet të sigurojë që Ukraina të marrë armët që i nevojiten “për të fituar këtë luftë”.

Ai shtoi se presidenti rus Vladimir Putin nuk po përgatitet për paqe, por përkundrazi “po përgatitet për më shumë luftë”.

“Ne nuk shohim asnjë tregues se presidenti Putin po përgatitet për paqe, ajo që shohim është e kundërta, ai po përgatitet për më shumë luftë, për sulme të reja.

Kjo është një luftë gjithëpërfshirëse, pra një betejë në nivelin logjistik”, shtoi ai, duke iu referuar nevojës së Ukrainës për më shumë armë dhe bisedime për furnizimin e mundshëm me avionë në vendin e shkatërruar nga lufta.

Sekretari i Përgjithshëm i NATO-s deklaroi  ditën e djeshme se sulmi i ri rus në shkallë të gjerë ndaj Ukrainës, gati një vit pas fillimit të pushtimit rus, tashmë ka filluar.

LEXONI GJITHASHTU: 

• Dështimi i Putin është dhe i Vuçiç, eksperti zbërthen mesazhet e presidentit serb
• SPAK bën bilancin për janarin: Konfiskuam 178.5 mijë € dhe 23 pasuri të paluajtshme