Studentët e universitetit irlandez gjobiten me 214.000€ për protestat pro Palestinës

Një nga universitetet kryesore të Irlandës, Trinity College Dublin, i ka “shpallur luftë trupit studentor” pasi gjobiti sindikatat studentore me 214,000 euro për protestat e kampusit, tha presidenti i sindikatës studentore Laszlo Molnarfi.

Studentët në Trinity College Dublin (TCD) demonstruan kundër përgjigjes së universitetit ndaj luftës në Gaza, si dhe kundër rritjes së propozuar në tarifat e shkollimit dhe kostot e akomodimit, raportoi BBC.

“Përfaqëson një përpjekje fatkeqe për të frikësuar, ngacmuar dhe kërcënuar lëvizjen studentore”, theksoi Molnarfi.

TCD tha se kishte humbur të ardhurat për shkak të protestave të fundit sepse vizitorët nuk mund të shihnin dorëshkrimin e Librit të Kells në kampus, por gjithashtu mbështetën të drejtën për të protestuar. Molnarfi tha se trupi studentor synon të shtojë fushatën në ditët në vijim.

LEXONI GJITHASHTU:

• Të shtëna në kampusin e një universiteti në Delaware të SHBA, vritet 18 vjeçarja
• Qëllohen tre studentë palestinezë pranë kampusit amerikan