Sulm izraelit në Liban, vritet një anëtar i lartë i Hezbollahut

Një dron i Forcave Ajrore Izraelite goditi një automjet pranë qytetit Saida në Libanin jugor, duke vrarë Samir Ali Fakih, një figurë e lartë në lëvizjen shiite Hezbollah, raportuan mediat vendase këtë të hënë.

Sipas raportit, droni qëlloi drejt makinës në autostradën jugore midis As-Sarafand dhe Al-Baisariyah. Fakih vdiq në vend nga plagët e marra, ndërsa një ushtari që e shoqëronte u dërgua në spital.

Fakih drejtonte shoqatën bamirëse “Shërbëtorët e Imam Huseinit”, siaps autoriteteve vendase.

Më 9 nëntor, dronët izraelitë vranë dy anëtarë të Hezbollahut, përfshirë një inxhinier të përfshirë në rindërtimin e infrastrukturës ushtarake të organizatës në zonën Houmine El Faouqa.

Sipas Ministrisë së Shëndetësisë së Libanit, pavarësisht marrëveshjes së armëpushimit, Izraeli ka kryer më shumë se 5,000 sulme në territorin libanez që nga fillimi i vitit. Sulmet dhe granatimet kanë vrarë 309 persona dhe kanë plagosur 598 të tjerë.

LEXONI GJITHASHTU:

• Izraeli kryen sulme vdekjeprurëse në Liban
• Izraeli përshkallëzon sulmet ndaj Libanit: Ushtria godet bazat e Hezbollahut në jug