Sulm me thikë në një çerdhe në Rusi, plagoset një mësuese, autori ishte i dehur

Këtë të të enjte, një burrë i armatosur me thikë hyri me forcë në një çerdhe në qytetin Buguruslan të Rajonit të Orenburgut, Rusi, duke plagosur një mësuese.

Mediat e huaja raportojnë se asnjë fëmijë nuk u lëndua gjatë incidentit.

Sipas Drejtorisë Kryesore të Ministrisë së Brendshme për Rajonin e Orenburgut, sulmuesi, një banor vendas 25-vjeçar, hapi me forcë një derë anësore të çerdhes dhe kërcënoi stafin. Mësuesit arritën ta nënshtronin dhe ta vendosnin në bodrum, ku më pas njoftuan autoritetet.

Hetuesit e kanë identifikuar dhe ndaluar autprin, duke ngritur çështje penale për vrasje në tentativë dhe neglizhencë. Sipas raportimeve, ai ishte në gjendje të dehur. Guvernatori rajonal, Yevgeny Solntsev, shprehet se po mbikëqyr reagimin e autoriteteve, ndërsa hetuesit po shqyrtojnë vendin e ngjarjes dhe po marrin në pyetje dëshmitarët okularë.