Sulm në banesën e gjyqtares greke, plagoset polici, dyshohet për ekstremistë

Një oficer i policisë greke që ruante banesën e një gjyqtareje të lartë u shtrua në spital me djegie serioze pas një sulmi me bombë artizanale.

Motivi i sulmit, i ndodhur mëngjesin e së enjtes në periferi të kryeqytetit grek, është ende i paqartë dhe deri më tani nuk përgjegjësia e tij nuk është marrë përsipër nga askush.

Policia deklaroi se në drejtim të oficerit u hodhën disa bomba me benzinë nga persona të paidentifikuar, që më pas u larguan nga vendngjarja.

Oficeri, i cili mori plagë në fytyrë dhe në krahë, ishte vendosur jashtë shtëpisë së kryetares së Gjykatës Supreme, Ioana Klapa, e cila nuk ka pësuar lëndime. Ndërkohë, një makinë policie e ndodhur aty pranë u dogj si pasojë e bombave.

Zëdhënësi i qeverisë Pavlos Marinakis dënoi sulmin dhe deklaroi se për autoritetet përkatëse duhet të jetë një “prioritet absolut” arrestimi i autorëve.

Policia, por edhe institucione të tjera ligjzbatuese greke, sulmohen shpesh herë nga militantët e ekstremit të majtë, edhe pse agresionet me pasojë vdekjen kanë rënë në vitet e fundit.

LEXONI GJITHASHTU:

• E rëndë në Prishtinë! Makina përplaset me autobusin, 1 i vdekur dhe 14 të lënduar
• Policia e Kosovës: Gjetëm kamera vëzhguese të vendosura në Veri