Sulmet kibernetike, Gjykata zbut masën e sigurisë për 5 punonjësit e DAP

Prokuroria e Tiranës kërkoi sot masën e sigurisë “arrest shtëpie” për 5 punonjës në sektorin e IT-së në Departamentin e Administratës Publike lidhur me sulmet kibernetike ndaj Shqipërisë.

Ndërkohë për 5 personat e akuzuar për shpërdorim detyre me detyrë IT , Gjykata e Tiranës ka caktuar masën detyrim paraqitjeje.

Prokuroria e Tiranës njoftoi të mërkurën se kishte lëshuar 4 masa sigurie arrest me burg ndaj 5 punonjësve: Rudina Llagami, Albi Gjeka, Altin Sallaku, Alketa Sulo dhe Igli Lubonja.

Që prej vitit 2021, Shqipëria ka rënë pre e sulmeve kibernetike. Një sulm kibernetik u shënua më 15 korrik të këtij viti, që bllokoi të gjitha faqet zyrtare shtetërore dhe platformën e shërbimeve online e-Albania.

Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.

Të dhëna konfidenciale të personave publikë, që nga kreu i SHISH deri tek kryeministri, janë publikuar herë pas herë nga hakerat në faqen “Homeland Justice”.

2 ditë më parë, hakerat iranianë publikuan një listë me të dhënat e patentave të shtetasve shqiptarë në rrjetin social Telegram.

LEXONI GJITHASHTU:

• EMRAT| Kush janë 5 punonjësit e DAP të arrestuar për sulmet kibernetike
• Sulmet kibernetike ndaj sistemeve shtetërore, Prokuroria firmos 5 urdhër arreste