Ditën e nesërme nuk do të ofrohet shërbim në zyrat e ‘Aleat’ për pasaporta apo karta identiteti.

Ministria e Brendshme njofton se masat janë marrë me qëllim për të rritur nivelin e sigurisë ndaj sulmeve kibernetike.

“Për të rritur nivelin e sigurisë ndaj sulmeve kibernetike, Drejtoria e Përgjithshme e Gjendjes Civile po ndërmerr një sërë masash të integruara. Në këtë kuadër, ditën e premte, 16 shtator, GJC njofton se nuk do të mund të ofrohet shërbim në zyrat e aplikimit të ‘Aleat’ për dokumente biometrike (pasaporta apo ID karta)”, thuhet në njoftimin e MB.

Ministria e Brendshme thotë se ndërprerja e shërbimit do të jetë e përkohshme vetëm për ditën e premte.

“Kjo ndërhyrje shton masat komplekse për të garantuar shërbim të pandërprerë në vijim, e të sigurt për çdo qytetar”, thotë MB.

LEXONI GJITHASHTU:

• Sulmi kibernetik filloi në 2021, prokuroria kërkon informacion në disa vende
• Eksperti i sigurisë: S’është rastësi sulmi kibernetik në Shqipëri, Kosovë dhe RMV